Verbum

маланадзе́йны, -ая, -ае.

Такі, на якога нельга спадзявацца, які не выклікае давер’я.

М. чалавек.

мала́нка, -і, ДМ -нцы, мн. -і, -нак, ж.

1. Імгненны разрад атмасфернай электрычнасці ў выглядзе яркай ломанай лініі.

Бліснула м.

2. Тэрміновы выпуск бюлетэня, газеты, кнігі і інш., а таксама вельмі тэрміновая тэлеграма.

3. Від засцежкі, якая хутка зашморгваецца.

|| прым. мала́нкавы, -ая, -ае (да 1 знач.).

маланкаадво́д, -а, М -дзе, мн. -ы, -аў, м.

Вертыкальны металічны стрыжань, злучаны провадам з зямлёй, які служыць для аховы будынкаў ад прамых удараў маланкі; громаадвод.

|| прым. маланкаадво́дны, -ая, -ае.

малано́шаны, -ая, -ае.

Пра вопратку, абутак, якія насілі нядоўгі час.

малапісьме́нны, -ая, -ае.

1. Які не ўмее добра пісаць і чытаць.

2. Выкананы недастаткова пісьменна, з памылкамі.

Пратакол напісаны малапісьменна (прысл.).

|| наз. малапісьме́ннасць, -і, ж.

малапрадукты́ўны, -ая, -ае.

Недастаткова прадуктыўны, які рэдка выкарыстоўваецца.

М. суфікс.

|| наз. малапрадукты́ўнасць, -і, ж.

малапрадукцы́йны, -ая, -ае.

1. Які прыносіць мала вынікаў.

Малапрадукцыйная праца.

2. Які дае недастатковую колькасць прадукцыі.

Малапрадукцыйная жывёла.

|| наз. малапрадукцы́йнасць, -і, ж.

малапрыда́тны, -ая, -ае.

Недастаткова прыдатны для выкарыстання.

Малапрыдатная зямля.

|| наз. малапрыда́тнасць, -і, ж.

маларазвіты́, -а́я, -о́е.

1. Які не дасягнуў поўнага фізічнага развіцця.

Маларазвітыя мускулы рук.

2. Які не дасягнуў высокага ўзроўню развіцця.

Маларазвітая прамысловасць.

3. Які не мае шырокага кругагляду, недастаткова адукаваны.

М. чалавек.

|| наз. маларазві́тасць, -і, ж.

маларо́слы, -ая, -ае.

Невялікага росту.

М. хлопец.

|| наз. маларо́сласць, -і, ж.