адня́цца, 1 і 2 ас. не ўжыв., -німецца і ады́мецца; -ня́ўся, -няла́ся, -ло́ся; зак.
Страціць здольнасць рухацца, варушыцца.
Рука аднялася.
Ногі адняліся.
|| незак. адніма́цца, -а́ецца і адыма́цца, -а́ецца.
адня́ць, -німу́, -німеш, -німе; -ня́ў, -няла́, -ло́; -німі́; адня́ты; зак.
1. што. Адцзяліць ад чаго-н., адвесці ўбок.
А. драбіны ад сцяны.
2. што. Тое, што і ампутаваць.
А. хвораму нагу.
3. што. Паменшыць лік на некалькі адзінак.
Ад пяці а. два.
4. што. Прымусіць патраціць час, сілы і пад.
Нарада адняла цэлы дзень.
5. безас., што. Паралізаваць, пазбавіць здольнасці гаварыць, хадзіць і пад.
Адняло мову.
Адняло ногі.
|| незак. адніма́ць, -а́ю, -а́еш, -а́е і адыма́ць, -а́ю, -а́еш, -а́е.
|| наз. адніма́нне, -я, н. і адыма́нне, -я, н.
адо́брыць, -ру, -рыш, -рыць; -раны; зак., каго-што.
Прызнаць добрым, правільным; ухваліць.
А. работу арганізацыі.
А. праект пастановы.
|| незак. адабра́ць, -а́ю, -а́еш, -а́е і адо́брываць, -аю, -аеш, -ае.
|| наз. адабрэ́нне, -я, н.
адо́зва, -ы, мн. -ы, -аў, ж.
Пісьмовы ці вусны зварот з заклікам да каго-н.
Паставіць подпісы пад адозвай за мір.
адо́лець, -ею, -ееш, -ее; -ены; зак.
1. каго-што. Перамагчы ў барацьбе, асіліць.
А. ворага.
2. перан., што. Пераадолець якія-н. цяжкасці, перашкоды, справіцца з чым-н., перасіліць у сабе якія-н. пачуцці, жаданні; авалодаць чым-н., засвоіць і пад.
А. курс фізікі.
А. цяжкі экзамен.
3. (1 і 2 ас. не ўжыв.), перан., каго-што. Пра які-н. стан: цалкам ахапіць.
Клопаты адолелі яго.
4. каго-што. Дакучаючы, замучыць, пазбавіць спакою (разм.).
Машкара адолела, няма жыцця.
|| незак. адо́льваць, -аю, -аеш, -ае; наз. адо́льванне, -я, н.
|| наз. адо́ленне, -я, н. (да 1 знач.).
адо́нак, -нка, мн. -нкі, -нкаў, мн.
Подсціл з галля, жэрдак, на які кладуць стог; стажар’е.
адо́раны, -ая, -ае.
Здольны да чаго-н., таленавіты.
А. хлопец.
|| наз. адо́ранасць, -і, ж.
адо́рвень, -я, мн. -і, -яў, м. (спец.).
Адарваная глыба горнай пароды, прынесеная ледніком.
А. дэвонскай пароды.
адпаве́дна.
1. прысл. Належным чынам, як таго патрабуе дадзены выпадак.
Даведайся пра пастанову і дзейнічай адпаведна.
2. чаму і з чым, прыназ. з Д і Т. Згодна чаму-н., з чым-н., у залежнасці ад чаго-н.
Адпаведна сродкам.
Адпаведна закону.
Адпаведна з рашэннем.
|| наз. адпаве́днасць, -і, ж. (да 1 і 2 знач.).