Verbum

макрата́, -ы́, ДМ -раце́, ж.

Вільготнасць, сырасць.

макро́та, -ы, ДМ -ро́це, ж.

Слізістыя выдзяленні з лёгкіх або дыхальных шляхоў.

Кашаль з макротай.

|| прым. макро́тны, -ая, -ае.

макро́цце, -я, н.

Тое, што і макрата.

макры́ца, -ы, мн. -ы, -ры́ц, ж.

1. Невялікая ракападобная жывёліна з вялікай колькасцю ножак, якая жыве ў сырых месцах.

2. толькі адз. Аднагадовае пустазелле з паўзучым сцяблом і дробнымі белымі кветачкамі, якое расце ў сырых месцах.

|| прым. макры́цавы, -ая, -ае (да 2 знач.).

макры́чнік, -у, м.

Тое, што і макрыца (у 2 знач.).

макрэ́ль, -і, мн. -і, -ей, ж.

Тое, што і скумбрыя.

|| прым. макрэ́левы, -ая, -ае.

Сямейства макрэлевых (наз.).

макрэ́ц, -раца́, м.

Мокры лішай на нагах у коней і буйной рагатай жывёлы.

макрэ́ць, -э́ю, -э́еш, -э́е; незак.

Станавіцца мокрым, вільготным.

|| зак. змакрэ́ць, -э́ю, -э́еш, -э́е.

макрэ́ча, -ы, ж. (разм.).

Сырасць, дажджлівае надвор’е.

ма́ксі.

1. нескл., н. Спадніца, сукенка, паліто і пад. максімальнай даўжыні.

Цяпер мода на м.

Насіць м.

2. прым., нязм. Максімальна доўгі (пра спадніцу, сукенку, паліто).

Спадніца-м.