Verbum

-фаг

(гр. phagos = які пажырае)

другая састаўная частка складаных слоў, якая адпавядае паняццям «пажыральнік», «паглынальнік».

фагапрафіла́ктыка

(ад фагі + прафілактыка)

выкарыстанне прэпаратаў бактэрыяфагаў для папярэджання некаторых інфекцыйных хвароб.

фагаты́ст

(ад фагот)

музыкант, які іграе на фагоце.

фагатэрапі́я

(ад фагі + тэрапія)

лячэнне інфекцыйных хвароб прэпаратамі бактэрыяфагаў.

фагацыто́з

(ад фагацыты)

актыўнае захопліванне і паглынанне фагацытамі чужародных цел, у т.л. і бактэрый.

фагацы́ты

(ад фагі + -цыты)

клеткі жывёльнага арганізма, здольныя захопліваць і паглынаць чужародныя часцінкі, у т.л. і бактэрыі.

фа́гі

(гр. phagos = пажыральнік)

вірусы (бактэрыяфагі і актынафагі), якія паражаюць бактэрыі і актынаміцэты.

-фагія

(гр. phagos = які пажырае)

другая састаўная частка складаных слоў, якая паказвае на сувязь з працэсамі пажырання, паглынання.

фаго́т

(іт. fagotto)

драўляны духавы язычковы музычны інструмент з канічным каналам і двайной трысцінкай.