Verbum

сусе́кс су́секс

(англ. Sussex = назва графства ў Англіі)

парода курэй мяса-яечнага напрамку, выведзеная ў Англіі.

суспендава́ць

(лац. suspendere)

гатаваць гетэрагенныя сумесі з вадкасці і завіслых у ёй цвёрдых часцінак.

суспензі́ўны

(с.-лац. suspensivus)

які прыпыняе, адкладвае;

с-ае вета — права кіраўніка дзяржавы (манарха або прэзідэнта рэспублікі) адмовіць у зацвярджэнні адобранага парламентам законапраекта.

суспе́нзія

(лац. suspensio = падвешванне)

вадкасць, у якой дробныя часцінкі цвёрдага рэчыва знаходзяцца ў завіслым стане.

суспензо́рый

(ад лац. suspensus = падвешаны)

мед. павязка ў выглядзе мяшочка для падтрымкі машонкі.