Verbum

пеленга́цыя

(ад пеленгаваць)

вызначэнне пеленга 1 або месца, дзе знаходзіцца які-н. прадмет, аб’ект.

пеле́нес

(н.-лац. pellenes)

павук сям. скакуноў, які жыве ў траве, на дрэвах.

пелето́н

(фр. peloton = група)

караван спартсменаў, якія прымаюць удзел у веласіпедных гонках.

пеліказа́ўры

(н.-лац. pelicosauria)

атрад вымерлых паўзуноў падкласа сінапсідаў якія жылі ў мезазоі.

пеліка́н

(лац. pelecanus, ад гр. pelekanos)

вялікая вадаплаўная птушка атрада весланогіх з доўгай дзюбай і вялікім мяшком пад ёю; шырока распаўсюджана ў краінах з гарачым і цёплым кліматам.

пелі́кула

(лац. pellicula = шкурка)

эластычны паверхневы слой эктаплазмы прасцейшых, які ўтварае перыферычную плеўку.

пелі́ты

(ад гр. pelos = гліна)

асадачныя пароды, якія складаюцца пераважна з часцінак, размер якіх не перавышае 0,01 мм.

пе́лія

(н.-лац. pellia)

пячоначны мох сям. пеліевых, які расце на глебавых агаленнях па канавах, берагах рэчак, на лясных балотах.

пелта́сты

(гр. peltastai)

старажытнагрэчаская пяхота.

пелько́мпас

(гал. peilkompas)

компас для пеленгацыі.