Verbum

перхлара́ты

(ад лац. per = звыш + хлараты)

солі хлорнай кіслаты.

перцыпі́раваць

(лац. percipere = успрымаць, адчуваць, разумець)

псіх. непасрэдна ўспрымаць аб’ектыўную рэальнасць, якая дзейнічае ў дадзены момант на органы пачуццяў.

перцэпіе́нт

(лац. percepiens, -ntis = які ўспрымае)

чалавек, які ўспрымае мысленныя сігналы, што пасылаюцца пры правядзенні тэлепатычных доследаў іншым чалавекам.

перцэ́птар

(ад лац. perceptio = разуменне, пазнаванне)

сістэма элементаў біялагічнага тыпу (орган), прызначаная для ўспрыняцця вобразаў (сігналаў) аб’ектыўнага свету.

перцэ́пцыя

(лац. perceptio = разу менне, пазнаванне)

псіх успрыманне, непасрэднае адлюстраванне аб’ектыўнай рэальнасці органамі пачуццяў (параўн. аперцэпцыя 1).

перч

(англ. perch)

тое, што і род.

перш

(фр. perche = жэрдка)

доўгі шост, які выкарыстоўваюць пры выкананні акрабатычных нумароў артысты цырка (эквілібрысты).

першэро́н

(фр. percheron, ад Perche = назва правінцыі ў Францыі)

парода ламавых коней, выведзеная ў Францыі.

пе́ры

(перс. päri)

добрая фея ў персідскай міфалогіі, якая ахоўвае людзей ад злых духаў.

перы-

(гр. peri = навокал, каля, побач)

першая састаўная частка складаных слоў, якая абазначае «каля», «навокал».