Verbum

скру́пул

(лац. scrupulum)

старая адзінка аптэкарскай вагі, роўная 20 гранам.

скрупулёзны

(лац. scrupulosus)

вельмі акуратны, абсалютна дакладны (напр. с-ае даследаванне).

скрыпто́рый

(лац. scriptorius = пісчы)

майстэрня рукапіснай кнігі ў заходнееўрапейскіх манастырах 6—12 ст.

скрэб

(англ. scrub)

тып расліннасці засушлівых раёнаў Аўстраліі, што складаецца пераважна з вечназялёных кустоў акацыі.

скрэ́пер

(англ. scraper)

землярыйна-транспартная машына для дарожных работ.

ску́да

(іт. scudo, ад лац. scutum = шчыт)

італьянская сярэбраная або залатая манета 16—18 ст.

скуду́ціс

(літ. skudutis)

літоўскі народны духавы музычны інструмент тыпу шматствольнай флейты.

ску́льптар

(лац. sculptor)

мастак, які працуе ў галіне скульптуры.

скульпту́ра

(лац. sculptura)

1) від выяўленчага мастацтва — стварэнне аб’ёмных вобразаў (статуй, барэльефаў і інш.) з гліны, каменю, дрэва, металу;

2) твор гэтага віду мастацтва або сукупнасць такіх твораў (напр. беларуская с.).

ску́мбрыя

(н.-гр. skumbria, ад гр. skombros)

невялікая марская прамысловая рыба атрада акунепадобных.