Verbum

ско́ліі

(н.-лац. scoliidae)

сямейства вос; паразіты лічынак пласцініставусых жукоў, якіх адшукваюць у глебе, гнілой драўніне.

ско́нта

(іт. sconto)

скідка з сумы рахунка за плацеж наяўнымі або да тэрміну, што практыкуецца ў міжнародным гандлі.

-скоп

(гр. skopeo = назіраю)

другая састаўная частка складаных слоў, якая абазначае назву прылад для назірання.

ско́рчынг

(англ. scorching)

узаемадзеянне каўчуку з вулканізуючымі вулканізавальнымі агентамі на стадыях тэхналагічнага працэсу вытворчасці гумы, якія папярэднічаюць уласна вулканізацыі.

ско́тленд-я́рд

(англ. ScotlandYard = шатландскі двор)

1) цэнтральнае ўпраўленне лонданскай паліцыі і вышукнога аддзелу;

2) лонданская крымінальная паліцыя.

ско́цыя

(гр. skotia = цемра)

асіметрычны архітэктурны аблом з увагнутым профілем з дзвюх дуг рознага радыуса.

скрап

(англ. scrap)

металалом або адходы вытворчасці, прызначаныя для пераплаўкі.

скрафулёз

(ад п.-лац. scrofula = свінка)

туберкулёзнае паражэнне шыйных лімфатычных вузлоў; залатуха.

скрофуладэ́рма

(ад п.-лац. scrofula = свінка + дэрма)

туберкулёз скуры.

скру́бер

(англ. scrubber, ад scrub = скрэбці)

1) цыліндрычны апарат для ачысткі прамысловага газу шляхам прапускання праз распыленую вадкасць;

2) барабанная машына для прамывання карысных выкапняў.