Verbum

абка́тванне, ‑я, н.

Дзеянне паводле знач. дзеясл. абкатваць — абкатаць.

абка́твацца, ‑аецца; незак.

1. Незак. да абкатацца.

2. Зал. да абкатваць.

абка́тваць, ‑аю, ‑аеш, ‑ае.

Незак. да абкатаць.

абка́тка, ‑і, ДМ ‑тцы, ж.

Спец. Дзеянне паводле дзеясл. абкатваць — абкатаць (у 3 знач.).

абка́тны, ‑ая, ‑ае.

Спец. Звязаны з абкатам. Абкатны рэйс.

абка́тчык, ‑а, м.

Спецыяліст па абкатцы. Абкатчык дае канчатковае заключэнне аб прыгоднасці машыны.

абка́тчыца, ‑ы, ж.

Жан. да абкатчык.

абкаці́цца, ‑качуся, ‑коцішся, ‑коціцца; зак.

Пракаціцца вакол чаго‑н. Мячык абкаціўся вакол стала.

абкаці́ць, ‑качу, ‑коціш, ‑коціць; зак., каго-што.

1. Пракаціць што‑н. вакол чаго‑н.

2. Разм. Аб’ехаць, праехаць пэўную тэрыторыю. [Дырэктар МТС:] — Абкаціў паўраёна. Работа ідзе як лепш не трэба. Алешка.

абкача́ны, ‑ая, ‑ае.

Дзеепрым. зал. пр. ад абкачаць.