Verbum

купо́н, -а, мн. -ы, -аў, м.

1. Адразны талон у каштоўных паперах на атрыманне працэнтаў з іх.

2. Адразны талон на пакупку пэўнага тавару ва ўмовах таварнага дэфіцыту (у СССР у 1989—1991 гг.).

|| прым. купо́нны, -ая, -ае.

купча́сты, -ая, -ае.

Пра дрэвы, кветкі: пышны, з густой кронай.

Купчастая вішня.

|| наз. купча́стасць, -і, ж.

ку́пчая, -ая, -ае.

У выразе: купчая крэпасць, або купчая, -ай, ж. (гіст.) — дакумент аб куплі і продажы нерухомай маёмасці і аб праве на валоданне ёю ў дарэвалюцыйнай Расіі.

купчы́ха, -і, ДМ -чы́се, мн. -і, -чы́х, ж. (разм.).

1. гл. купец.

2. Жонка купца.

купэ́, нескл., н.

Асобнае памяшканне ў вагоне пасажырскага цягніка для некалькіх пасажыраў.

купэ́йны, -ая, -ае.

Падзелены на купэ.

К. вагон.

|| наз. купэ́йнасць, -і, ж.

купю́ра¹, -ы, мн. -ы, -пю́р, ж.

Скарачэнне, пропуск у тэксце літаратурнага або музычнага твора.

Верш надрукаваны з купюрамі.

|| прым. купю́рны, -ая, -ае.

купю́ра², -ы, мн. -ы, -пю́р, ж. (спец.).

Каштоўная папера — аблігацыя або грашовы знак.

Старублёвая к.

ку́рава, -а, н.

Куродым, сажа ад дыму.

кура́вы, -ая, -ае. (разм.).

1. Які дыміць.

Куравая галавешка.

2. Пакрыты сажай ад дыму, закуродымлены.