Verbum

пі́льны

(польск. pilny)

1) праніклівы, зоркі (напр. п. погляд);

2) уважлівы, неаслабны (напр. п-ая праверка);

3) тэрміновы, неадкладны (напр. п-ая патрэба).

пілю́ля

(лац. pilula)

1) лякарства ў выглядзе цвёрдага шарыка;

2) перан. што-н. крыўднае, абразлівае (напр. паднесці пілюлю).

піля́стра, піля́стр

(фр. pilastre, ад іт. pilastro)

чатырохвугольная калона, якая адной гранню ўваходзіць у сцяну.

піме́нта

(н.-лац. pimenta)

вечназялёнае дрэва сям. міртавых, якое ў дзікім выглядзе расце ў Цэнтр. Амерыцы; культывуецца ў Індыі.

пі́мы пімы́

(ненец. pimy)

футравыя боты, шэрсцю наверх, распаўсюджаныя ў паўночных народаў.

пінакатэ́ка

(гр. pinakotheke, ад pinaks, -akos = карціна + theke = сховішча)

сховішча твораў жывапісу; карцінная галерэя.

піна́кль

(фр. pinacle)

дэкаратыўныя вежкі на контрфорсах або на іншых архітэктурных частках познараманскіх і гатычных цэркваў.

пінацыто́з

(ад гр. pino = п’ю + -цытоз)

адзін з магчымых спосабаў жыўлення арганізмаў, які заключаецца ва ўтварэнні пузыркоў цытаплазмы вакол арганічных часцінак з наступным іх пераварваннем.

пінгві́н

(ням. Pinguin, фр. pinguin, ад лац. pinguis = тлусты, сыты)

вялікая антарктычная птушка з падобнымі да ластаў крыламі, якая добра плавае, але не лятае.

пінг-по́нг

(англ. ping-pong)

спартыўная гульня маленькім мячом, які перакідваецца ракеткай цераз нацягнутую ўпоперак стала сетку; настольны тэніс.