Verbum

антыдэйтро́н

(ад анты- + дэйтрон)

элементарная часціца, якая з’яўляецца аптычасціцай у адносінах да дэйтрона; звязаны стан антыпратона і антынейтрона.

антыдэмакраты́зм

(ад анты- + дэмакратызм)

варожасць інтарэсам дэмакратыі.

антыдэмакраты́чны

(ад анты- + дэмакратычны)

накіраваны супраць дэмакратыі.

антыдэпрэса́нты

(ад анты + дэпрэсанты)

лекавыя рэчывы, якія прымяняюць пры хваравітым псаванні настрою; знімаюць пачуццё прыгнечанасці.

антыдэтана́тар

(ад анты- + дэтанатар)

хімічнае злучэнне, якое дабаўляецца ў бензін, каб папярэдзіць дэтанацыю ў рухавіках унутранага згарання.

антыімперыялісты́чны

(ад анты- + імперыялізм)

накіраваны супраць імперыялізму, проціпастаўлены яму.

антыімпліка́цыя

(ад анты + імплікацыя)

адмаўленне імплікацыі.

антыінтэлектуалі́зм

(ад анты- + інтэлектуалізм)

адмаўленне мажлівасці пазнання ісціны пры дапамозе розуму.

а́нтык

(лац. antiquus = старадаўні)

антычная скульптура або яе фрагмент.

антыкаагуля́нт

(ад анты- + каагулянт)

лекавае рэчыва, якое перашкаджае згусанню крыві і ўтварэнню тромбаў.