Verbum

антыгумані́зм

(ад анты- + гуманізм)

непрызнанне прынцыпаў гуманізму, прыніжэнне ролі чалавека як асобы.

антыгума́нны

(ад анты- + гуманны)

які пярэчыць прынцыпам гуманнасці, чалавечнасці.

антыдагматы́чны

(ад анты- + дагматычны)

які не прызнае догмаў, не абапіраецца на догмы; крытычны.

антыда́ктыль

(гр. antidaktylos = зваротны дактыль)

тое, што і анапест.

антыдарвіні́зм

(ад анты- + дарвінізм)

тэорыя, накіраваная супраць дарвінізму і несумяшчальная з ім (напр. крэацыянізм).

антыдатава́ць

(фр. antidater, ад лац. ante = перад + data = дадзены)

выдаваць дакументы з датай, што ўжо мінула.

антыдо́ты

(гр. antidoton = супраць дадзеныя)

лекавыя сродкі для лячэння атручванняў; проціяддзі.

антыдыз’ю́нкцыя

(ад анты- + дыз’юнкцыя)

адмаўленне дыз’юнкцыі.

антыдыурэты́чны

(ад анты- + дыурэтычны)

супрацьмачагонны;

а. гармон — тое, што і вазапрэсін.

антыдыялекты́чны

(ад анты- + дыялектычны)

які супярэчыць прынцыпам дыялектыкі, накіраваны супраць дыялектыкі.