Verbum

антывітамі́ны

(ад анты- + вітаміны)

хімічныя злучэнні, блізкія па будове да вітамінаў, але процілеглыя па біялагічным дзеянні.

антыгармо́ны

(ад анты- + гармоны)

абаронныя рэчывы, якія арганізм выпрацоўвае пры працяглым увядзенні ў яго бялковых гарманальных прэпаратаў.

антыгельмі́нтыкі

(ад анты + гельмінты)

лекавыя сродкі, якія выкарыстоўваюцца для лячэння гельмінтоза.

антыге́н

(ад анты- + -ген)

рэчыва, якое пры ўвядзенні ў арганізм можа прывесці да ўтварэння антыцел.

антыгеро́й

(ад анты- + герой)

тып літаратурнага персанажа, які ў той ці іншай ступені процістаіць традыцыйнаму вобразу героя і аб’ектыўна выступае носьбітам адмоўных грамадскіх з’яў.

антыгігіені́чны

(ад анты- + гігіена)

які не адпавядае, супярэчыць патрабаванням гігіены.

антыгіперо́н

(ад анты- + гіперон)

элементарная антычасціца ў дачыненні да масы гіперона.

антыгістары́чны

(ад анты + гісторыя)

які супярэчыць прынцыпам гістарызму.

антыгрызу́тнасць

(ад анты- + фр. grisouteux = выбухованебяспечны)

уласцівасць засцерагальных выбуховых рэчываў, якая характарызуе іх паніжаную здольнасць запальваць сумесі пры выбуховых работах у шахтах.

антыгрызу́тны

(ад анты- + фр. grisouteux = выбухованебяспечны)

які мае адносіны да засцерагальных выбуховых рэчываў.