Verbum

пукцы́нія

(н.-лац. puccinia)

базідыяльны грыб сям. пункцыніевых, які развіваецца на вышэйшых травяністых раслінах.

пул

(англ. pool = літар. агульны кацёл)

1) адна з форм манаполій, пры якой прыбытак паступае ў агульны фонд і размяркоўваецца паміж удзельнікамі прапарцыянальна размеру іх укладаў;

2) кааператыўная арганізацыя фермераў Канады, ЗША і Аўстраліі для збыту сельскагаспадарчай прадукцыі, асабліва пшаніцы.

пуларо́з

(ад лац. pullus, -lorum = кураня)

інфекцыйная хвароба птушак, якая выклікаецца сальманеламі.

пу́лі

(венг. puli)

старажытная венгерская парода сабак з групы пастухоўскіх аўчарак.

пуло́вер

(англ. pull-over, ад pull = цягнуць + over = зверху)

трыкатажны світэр без каўняра і засцежкі.

пульверыза́тар

(фр. pulverisateur, ад лац. pulvis, -veris = парашок)

прыстасаванне для распылення вадкасцей.

пульверыза́цыя

(фр. pulverisation, ад лац. pulvis, -veris = парашок)

распыленне вадкасці пры дапамозе пульверызатара.

пульга́да

(ісп. pulgada = тузін)

мера даўжыні ў Іспаніі і некаторых краінах Лац. Амерыкі, роўная ад 2,32 да 2,5 см.

пу́лька

(ад фр. poule = стаўка)

партыя гульні ў карты (прэферанс, вінт і інш.), а таксама графа для запісу вынікаў гульні.

пу́льман

[англ. G. Pulman = прозвішча амер. інжынера (1831—1897)]

тып вялікага пасажырскага або таварнага вагона.