Verbum

латарэ́я

(іт. lotteria)

розыгрыш рэчаў або грашовых сум па білетах.

лато́

(фр. loto)

гульня, удзельнікі якой закрываюць на спецыяльных картах названыя нумары або малюнкі (выйграе той, хто першым закрые ўсе нумары або малюнкі).

-латрыя

(гр. latreia = служэнне, шанаванне)

другая састаўная частка складаных слоў, якая адпавядае паняццям «служэнне», «шанаванне».

латсія́нства

[ад гал. J. Lotsy = прозвішча гал. батаніка (1867—1931)]

антыдарвінаўская канцэпцыя эвалюцыі жывой прыроды, якая разглядае развіццё арганічнага свету як перакамбінацыю спрадвечна існуючых генаў.

лату́к

(с.-н.-ням. lattuke, ад лац. lactuca)

травяністая расліна сям. складанакветных са сцябловым лісцем і дробнымі светла-жоўтымі кветкамі ў мяцёлках, пашыраная ў Еўразіі, Афрыцы і Амерыцы; адзін з відаў — салата.

лату́нь

(ням. Latun)

сплаў медзі з цынкам, часам з прымессю волава, алюмінію, марганцу.

латыме́рыя

(н.-лац. latimeria)

рыба групы кісцяпёрых, якая водзіцца ў Індыйскім акіяне.

латынізава́ць

(п.-лац. latinizare)

1) уводзіць лацінскую мову і лацінскую культуру;

2) замяняць які-н. алфавіт лацінскім.

латыніза́цыя

(ад п.-лац. latinizare = латынізаваць)

1) увод лацінскай мовы і лацінскай культуры;

2) пераход на лацінскі алфавіт.

латыні́зм

(ад лац. latinus = лацінскі)

слова або выраз, запазычаныя з лацінскай мовы.