Verbum

ларынго́лаг

(ад ларынга- + -лаг)

урач-спецыяліст па ларынгалогіі.

ласалья́нства

[ад ням. F. Lassale = прозвішча ням. сацыяліста (1825—1864)]

плынь у рабочым руху другой пал. 19 ст., якая адмаўляла класавую барацьбу і сацыялістычную рэвалюцыю.

ласо́

(фр. lasso, ад ісп. lazo)

аркан з рухомай пятлёй для лоўлі жывёл.

ласт

(гал. last = груз)

адзінка вымярэння вагі грузаў, якія перавозяцца на суднах (неаднолькавая ў розных краінах).

ла́сцік​¹

(англ. lasting = трывалы)

лёгкая баваўняная тканіна атласнага перапляцення, якая ўжываецца звычайна на падкладку.

ла́сцік​²

(ад н.-лац. elasticus = пругкі, эластычны)

каўчук, гума.

ласьён

(фр. lotion, ад лац. lotio = мыццё)

касметычны гігіенічны сродак для догляду скуры твару.

лат

(латыш. lats)

грашовая адзінка ў Латвіі ў 1922—1940 гг. і з 1993 г.

ла́та

(польск. łata, ад с.-в.-ням. latte)

дошка або жэрдка, якая кладзецца ўпоперак крокваў.

лата́нія

(індз. alattani)

пальма з шырокім веерападобным лісцем, пашыраная ў тропіках; на Беларусі вырошчваецца як дэкаратыўная.