Verbum

публіцы́стыка

(ням. Publizistik, ад лац. publicus = грамадскі)

род літаратуры і журналістыкі (артыкулы, нарысы, памфлеты, фельетоны і інш.), які аналізуе сучаснае жыццё ў мнагастайнасці палітычных, эканамічных, прававых, філасофскіх, мастацкіх і інш. праблем.

публі́чны

(лац. publicus = грамадскі)

1) адкрыты, даступны для публікі (напр. п-ая лекцыя);

2) прызначаны для грамадскага карыстання (напр. п-ая бібліятэка).

пу́дзель

(ням. Pudel, ад pudeln = плюхацца ў вадзе)

парода пакаёва-дэкаратыўных сабак з доўгай кучаравай шэрсцю.

пу́дла

(польск. pudło, ад ням. Pudel)

промах у стральбе, няўдалы стрэл;

даць пудла — прамахнуцца; памыліцца.

пудлінгава́ць

(англ. puddling, ад puddle = перамешваць)

апрацоўваць чыгун у зварачнае жалеза ў асобных печах.

пу́дра

(фр. poudre)

1) мяккі пахучы парашок, які наносіцца на скуру як гігіенічны і касметычны сродак;

2) дробны парашок з мінеральных і іншых рэчываў (напр. цэментная п, цукровая п.).

пудрэ́т

(фр. poudrette, ад poudre = пыл)

угнаенне з высушаных і ператвораных у парашок чалавечых экскрэментаў (гл. таксама фекаліі).

пудрэ́ткі

(фр. poudrette, ад poudre = пыл)

невялікія ўчасткі на скуры некаторых птушак, пакрытыя мяккім парашковым пухам.

пу́ду

(н.-лац. pudu)

млекакормячае сям. аленевых, з кароткімі рагамі, пашыранае ў Паўд. Амерыцы.

пу́дынг

(англ. pudding)

запяканка з круп, мукі, тварагу і інш.