Verbum

кува́да

(фр. couvade = выседжванне яец)

абрадавая сімуляцыя бацькам родавага акта пры нараджэнні дзіцяці, вядомая ў многіх народаў.

куве́з

(фр. couveuse = інкубатар)

апарат са штучным мікракліматам для сагравання неданошаных дзяцей.

куве́рт

(фр. couvert = накрыты)

уст. сталовы прыбор.

куга́

(кр.-тат. qoga)

водная травяністая расліна сям. асаковых; азёрны чарот.

кугуа́р

(ад тупі-гуарані cuguacuara)

тое, што і пума.

кудо́нія

(н.-лац. cudonia)

сумчаты грыб сям. геаглосавых, які расце на глебе ў лясах.

куду́​¹

(афр. kudu)

парнакапытная жывёла сям. пустарогіх, пашыраная ў Афрыцы; лясная антылопа.

куду́​²

(інд. kudu)

дэкаратыўны элемент у форме падковападобнай аркі, тыповы для індыйскай архітэктуры.

ку́заў

(рус. кузов, ад тат. kyzau = карзіна з бяросты)

частка павозкі, аўтамашыны, якая служыць для размяшчэння людзей або грузаў.

кузе́н

(фр. cousin)

стрыечны брат.