Verbum

ангіяхірургі́я

(ад ангія- + хірургія)

хірургічнае лячэнне крывяносных сасудаў.

англама́н

(ад п.-лац. Anglia = Англія + -ман)

чалавек, які захапляецца ўсім англійскім.

англама́нія

(ад п.-лац. Anglia = Англія + манія)

захапленне ўсім англійскім.

англафі́л

(ад п.-лац. Anglia = Англія + -філ)

прыхільнік англійскай нацыі, культуры.

англафо́б

(ад п.-лац. Anglia = Англія + -фоб)

чалавек, які ненавідзіць усё англійскае.

англе́з

(фр. anglaise = англійская)

агульная назва англійскіх народных танцаў, якія распаўсюдзіліся ў 17—19 ст. у краінах Еўропы.

англезі́т

(фр. anglaisite, ад англ. Anglesey = назва вострава)

мінерал класа сульфатаў, сернакіслы свінец, а таксама свінцовая руда.

англіка́нец

(с.-лац. anglicanus = англіканскі)

прыхільнік англіканства.

англіка́нскі

(с.-лац. anglicanus)

які мае адносіны да англіканства.

англіка́нства

(ад с.-лац. anglicanus = англіканскі)

дзяржаўная царква ў Англіі, адна з пратэстанцкіх цэркваў, што ўзнікла ў 16 ст. ў час Рэфармацыі.