Verbum

антыдатава́ць

(фр. antidater, ад лац. ante = перад + data = дадзены)

выдаваць дакументы з датай, што ўжо мінула.

антыдо́ты

(гр. antidoton = супраць дадзеныя)

лекавыя сродкі для лячэння атручванняў; проціяддзі.

антыдыз’ю́нкцыя

(ад анты- + дыз’юнкцыя)

адмаўленне дыз’юнкцыі.

антыдыурэты́чны

(ад анты- + дыурэтычны)

супрацьмачагонны;

а. гармон — тое, што і вазапрэсін.

антыдыялекты́чны

(ад анты- + дыялектычны)

які супярэчыць прынцыпам дыялектыкі, накіраваны супраць дыялектыкі.

антыдэйтро́н

(ад анты- + дэйтрон)

элементарная часціца, якая з’яўляецца аптычасціцай у адносінах да дэйтрона; звязаны стан антыпратона і антынейтрона.

антыдэмакраты́зм

(ад анты- + дэмакратызм)

варожасць інтарэсам дэмакратыі.

антыдэмакраты́чны

(ад анты- + дэмакратычны)

накіраваны супраць дэмакратыі.

антыдэпрэса́нты

(ад анты + дэпрэсанты)

лекавыя рэчывы, якія прымяняюць пры хваравітым псаванні настрою; знімаюць пачуццё прыгнечанасці.

антыдэтана́тар

(ад анты- + дэтанатар)

хімічнае злучэнне, якое дабаўляецца ў бензін, каб папярэдзіць дэтанацыю ў рухавіках унутранага згарання.