Verbum

адка́шліванне, ‑я, н.

Дзеянне паводле знач. дзеясл. адкашлівацца — адкашляцца.

адка́шлівацца, ‑аюся, ‑аешся, ‑аецца; незак.

1. Незак. да адкашляцца.

2. Зал. да адкашліваць.

адка́шліваць, ‑аю, ‑аеш, ‑ае.

Незак. да адкашляць.

адкашляну́ць, ‑ну, ‑неш, ‑не; зак.

Аднакр. да адкашляць.

адка́шляцца, ‑яюся, ‑яешся, ‑яецца; зак.

1. Кашляючы, прачысціць глотку, выдаліць з яе што‑н. кашлем. Стары адкашляўся, як перад доўгім выступленнем, і пачаў дакладваць прыглушаным голасам. Шамякін.

2. Скончыць кашляць.

адка́шляць, ‑яю, ‑яеш, ‑яе; зак., што і без дап.

Тое, што і адкашляцца. Адкашляць макроту.

адквіта́цца, ‑аюся, ‑аешся, ‑аецца; зак.

Разм. Тое, што і расквітацца (у 2 знач.); адпомсціць. Быццам ён [Адам] з неастылым задорам юначым Адквітацца цяпер захацеў да астачы За бацьку, Сярмяжнага майстра бяздомнага, За дзеда, Загнанага парабка цёмнага. Зарыцкі.

адквіта́ць, ‑аю, ‑аеш, ‑ае; зак., што.

Разлічыцца з кім‑н., адплаціўшы тым жа самым. // У спорце — выйграць у праціўніка столькі ж, колькі выйграў ён; адгуляць. Адквітаць гол.

адкві́твацца, ‑аюся, ‑аешся, ‑аецца.

Незак. да адквітацца.

адкві́тваць, ‑аю, ‑аеш, ‑ае.

Незак. да адквітаць.