Verbum

адрэкамендава́ны, ‑ая, ‑ае.

Дзеепрым. зал. пр. ад адрэкамендаваць.

адрэкамендава́цца, ‑дуюся, ‑дуешся, ‑дуецца; зак.

Назваць пры знаёмстве сябе, свой занятак. — Я Рапецкі! — адрэкамендаваўся Ані маленькі чалавечак з дробненькім тварам. Карпюк. — Вы старшыня сельсавета? — спытаў ён і, заўважыўшы, што Васіль Ціханавіч прыглядаецца да яго, адрэкамендаваўся: — Я загадчык аддзела прапаганды і агітацыі райкома. Сіўцоў.

адрэкамендава́ць, ‑дую, ‑дуеш, ‑дуе; зак., каго.

1. Знаёмячы, назваць каго‑н., яго занятак. — Знаёмцеся, вось, — адрэкамендавала яго Антаніна Лятроўна, — Леанід Іванавіч, наш гісторык і кіраўнік школьнай самадзейнасці. Васілевіч.

2. Ахарактарызаваць у якасці каго‑н. — Вось, бацька, прывёў я ваяку! Партызанам хоча быць, — адрэкамендаваў Цімох Саўку Мільгуна. Колас.

адрэкамендо́ўвацца, ‑аюся, ‑аешся, ‑аецца; незак.

1. Незак. да адрэкамендавацца.

2. Зал. да адрэкамендоўваць.

адрэкамендо́ўваць, ‑аю, ‑аеш, ‑ае.

Незак. да адрэкамендаваць.

адрэналі́н, ‑у, м.

Рэчыва, якое выдзяляецца надныркавымі залозамі або вырабляецца сінтэтычна і служыць лекавым сродкам. Раствор адрэналіну.

адрэпеці́раваны, ‑ая, ‑ае.

Дзеепрым. зал. пр. ад адрэпеціраваць.

адрэпеці́раваць, ‑рую, ‑руеш, ‑руе; зак., што.

Рэпетыцыямі дамагчыся патрэбнага выканання чаго‑н. Адрэпеціраваць спектакль, песню, танец.

адрэтушава́ны, ‑ая, ‑ае.

Дзеепрым. зал. пр. ад адрэтушаваць.

адрэтушава́ць, ‑шую, ‑шуеш, ‑шуе; зак., што.

Апрацаваць, падправіць рэтушшу. Адрэтушаваць здымак.