Verbum

нашлындацца, ✂; зак. (разм.).

Пашлындаць доўга; наблукацца дзе-н.

нашмат, прысл. (разм.).

Тое, што і намнога.

• Дні н. падоўжалі.

нашморгаць, ✂; зак.

Шморгаючы, вырваць або нарваць у якой-н. колькасці.

• Н. каласоў.
• Н. ягад з лісцем.

|| незак. нашморгваць, ✂.

нашпігаваць, ✂; зак.

1. гл. шпігаваць.

2. што і чаго.

   • Прыгатаваць шпігаваннем.
   • Н. качку.

|| незак. нашпігоўваць, ✂.

нашрубаваць, ✂; зак.

Круцячы па вінтавой разьбе, надзець.

• Н. гайку.

|| незак. нашрубоўваць, ✂.

наштампаваць, ✂; зак.

Вырабіць у якой-н. колькасці штампоўкай.

• Н. дэталей.

|| незак. наштампоўваць, ✂.

нашто, прысл.

1. З якой мэтай, для чаго.

   • Н. ты так робіш?
   • Папытайцеся ў яго, н. яму трэба было пераязджаць у горад.

2. у знач. часц. (звычайна ў спалучэнні са словам «ужо»). Ужываецца ў складаных сказах з адваротнай абумоўленасцю састаўных частак.

   • Н. ўжо быў добры чалавек Пракоп, а і той не стрымаўся.

наштурхаць, ✂; зак. (разм.).

Штуршкамі прычыніць боль, набіць.

• Наштурхалі цётку, што і ад дроў адмовілася.

наштурхнуць, ✂; зак.

1. каго-што на каго-што. Штурхаючы, прымусіць наткнуцца на каго-, што-н.

   • Н. хлопца на плот.

2. перан. каго (што) на што. Аказваючы ўздзеянне, накіраваць.

   • Н. на правільнае рашэнне.

|| незак. наштурхоўваць, ✂.

нашукацца, ✂; зак. (разм.).

Патраціць многа часу на пошукі каго-, чаго-н.

• Нашукаліся дзяцей у лесе.