Verbum

акры́цца, ✂; зак.

1. Накрыцца, ахінуцца чым-н.

   • А. пледам.

2. перан. Пакрыцца, агарнуцца.

   • Вішня цветам акрылася.
   • Смуткам акрыліся вочы.

|| незак. акрывацца, ✂.

акры́ць, ✂; зак.

1. Накрыць, ахінуць.

   • А. плечы цёплай коўдрай.

2. Пакрыць, агарнуць.

   • Жыта маладое поле ўсё акрыла.
   • Шэры туман акрыў лугавіну.

|| незак. акрываць, ✂.

акрыя́лы, ✂.

1. Які паправіўся, ажыў, паздаравеў.

2. перан. Бадзёры, з прыўзнятым настроем, духам.

акрыя́ць, ✂; зак.

1. Прыйсці ў ранейшы нармальны стан пасля хваробы, якога-н. бедства і пад., ачуняць, набрацца сіл.

   • А. на волі.

2. перан. Ажыць душой.

акрэдытава́ць, ✂; зак. і незак. (спец.).

Назначыць (-начаць), накіраваць (-роўваць) каго-н. прадстаўніком пры замежным урадзе, пасольстве, у міжнароднай арганізацыі, прэс-цэнтры.

• А. у якасці пасла.
• Акрэдытаваныя журналісты.

|| наз. акрэдытаванне, ✂ і акрэдытацыя, ✂.

акрэдыты́ў, ✂, м.

Грашовы дакумент, у якім змяшчаецца распараджэнне адной крэдытнай установы другой аб выплаце каму-н. пэўнай сумы грошай.

|| прым. акрэдытыўны, ✂.

акрэ́слены, ✂.

Які трывала ўсталяваўся; ясны, выразны.

• А. план дзеянняў.

|| наз. акрэсленасць, ✂.

акрэ́сліцца, ✂; зак.

1. Стаць бачным, выдзеліцца.

   • У тумане акрэсліўся будынак.

2. Набыць ясны, выразны характар.

   • Выразна акрэсліліся погляды пісьменніка.

|| незак. акрэслівацца, ✂.

акрэ́сліць, ✂; зак.

1. Дакладна вызначыць межы чаго-н.

   • А. кола абавязкаў.

2. Даць азначэнне чаму-н.

   • Выразна а. прадмет.

|| незак. акрэсліваць, ✂.

аксамі́т, ✂, м.

Шаўковая тканіна з мяккім, гладкім і густым ворсам.

|| прым. аксамітавы, ✂ і аксамітны, ✂.

• Аксамітавая сукенка.
• Аксамітная трава (перан.).