Verbum

агры́зак, ✂, м.

Абгрызены кавалак чаго-н.

• А. яблыка.
• А. алоўка (спісаны, кароткі аловак).

агрыза́цца, ✂; незак.

1. Звычайна пра сабаку: злосна бурчаць ці брахаць, пагражаючы ўкусіць таго, хто закрануў.

2. перан. Груба, са злосцю адказваць на заўвагі (разм.).

   • На кожнае слова агрызаецца, не дае гаварыць.

|| аднакр. агрызнуцца, ✂.

агрэ́бкі, ✂, н. (разм.).

Рэшткі сена пасля стагавання, накладвання воза і пад.

• Сабраць а.

агрэ́бці, ✂; зак.

1. Тое, што і абгрэбці.

   • А. стог сена.

2. Згрэбці ўсё навокал, падбіраючы (разм.).

   • А. ўчасткі.

3. перан. Атрымаць, здабыць, захапіць што-н. у вялікай колькасці (разм.).

   • А. вялікую прэмію.

|| незак. аграбаць, ✂.

|| наз. аграбанне, ✂.

агрэга́т, ✂, м.

1. Злучэнне для агульнай работы дзвюх або некалькіх рознатыповых машын.

   • Уборачны а.

2. Частка якой-н. машыны, вузел для выканання пэўных аперацый.

|| прым. агрэгатны, ✂.

агрэ́сар, ✂, м.

Той, хто ўчыняе агрэсію, захопнік.

• Даць адпор агрэсару.

|| прым. агрэсарскі, ✂.

агрэсі́ўны, ✂.

Захопніцкі; варожы, наступальны.

• Агрэсіўная палітыка.
• Агрэсіўныя дзеянні.

|| наз. агрэсіўнасць, ✂.

агрэ́сія, ✂, ж.

Паводле міжнароднага права незаконнае прымяненне ўзброенай сілы адной дзяржавай супраць суверэнітэту, тэрытарыяльнай недатыкальнасці або палітычнай незалежнасці другой дзяржавы.

|| прым. агрэсіўны, ✂.

агрэ́ст, ✂, м.

Калючая садовая кустовая расліна з кісла-салодкімі буйнымі ягадамі, а таксама ягады гэтай расліны.

|| прым. агрэставы, ✂.

• Агрэставае варэнне.

агрэ́х, ✂, м.

1. Дрэнна ўзараная або прапушчаная пры ворыве, сяўбе лапіна на полі.

   • Араць без агрэхаў.
   • У ворыве агрэхі — у кішэні прарэхі (прыказка).

2. перан. Усякія недаробкі, недагляд.

   • Агрэхі ў працы.