Verbum

прасадзёрка, -і, ДМ -рцы, мн. -і, -рак, ж.

Машына для перапрацоўкі проса на крупы.

прасадзі́ць¹, -аджу́, -а́дзіш, -а́дзіць; -а́джаны; зак., што (разм.).

Пракалоць, прабіць чым-н. вострым.

П. нагу цвіком.

|| незак. праса́джваць, -аю, -аеш, -ае.

прасадзі́ць², -аджу́, -а́дзіш, -а́дзіць; -а́джаны; зак., што (разм.).

Марна зрасходаваць, патраціць.

П. многа грошай.

|| незак. праса́джваць, -аю, -аеш, -ае.

прасады́чны гл. прасодыя.

праса́ліцца, 1 і 2 ас. не ўжыв., -ліцца; зак.

Запэцкацца, насыціцца салам.

Папера прасалілася.

|| незак. праса́львацца, -аецца.

прасалі́цца, 1 і 2 ас. не ўжыв., -о́ліцца; зак.

Набрацца соллю, стаць прасоленым.

Сала прасалілася.

|| незак. прасо́львацца, -аецца.

|| наз. прасо́льванне, -я, н. і прасо́л, -у, м. (спец.).

праса́ліць, -лю, -ліш, -ліць; -лены; зак., што.

Насыціць салам.

|| незак. праса́льваць, -аю, -аеш, -ае.

прасалі́ць, -алю́, -о́ліш, -о́ліць; -о́лены; зак., што.

Насыціць соллю.

П. рыбу.

|| незак. прасо́льваць, -аю, -аеш, -ае.

|| наз. прасо́льванне, -я, н. і прасо́л, -у, м. (спец.).

праса́рны гл. прас.

прасаўшчы́к, -а́, мн. -і́, -о́ў, м.

Рабочы, які абслугоўвае прэс.

|| ж. прасаўшчы́ца, -ы, мн. -ы, -чы́ц.