про́мах, -у, мн. -і, -аў, м.
1. Удар, выстрал міма цэлі.
Біць без промаху.
2. перан. Памылка, хіба.
Зрабіць п.
◊
Не промах хто (разм.) — пра чалавека кемлівага, лоўкага.
Гэты хлопец не п.
про́мысел, -слу, мн. -слы, -слаў, м.
1. каго-чаго. Здабыванне чаго-н., паляванне.
П. жэмчугу.
П. собаля.
2. Занятак паляваннем, здабычай звяроў, птушак і пад.
Паляўнічы п.
Рыбалоўны п.
3. Дробная рамесная вытворчасць, звычайна як падсобны занятак пры асноўным, сельскагаспадарчым.
Ганчарны п.
Кавальскі п.
4. мн. Прамысловае прадпрыемства здабыўнога тыпу.
Нафтавыя промыслы.
Саляныя промыслы.
|| прым. прамысло́вы, -ая, -ае і про́мыславы, -ая, -ае.
Прамысловая (промыславая) рыба (якая з’яўляецца прадметам промыслу). Прамысловая (промыславая) кааперацыя.
про́паведзь, -і, Т -дзю, мн. -і, -яў, ж.
1. Прамова рэлігійна-павучальнага зместу.
Сказаць п.
2. перан., чаго. Распаўсюджванне якіх-н. ідэй, поглядаў (кніжн.).
П. новых ідэй.
про́падам (разм.).
У выразе: прападзі ты пропадам! — вокліч у знач.: згінь, знікні (звычайна пры выказванні прыкрасці, раздражнення).
Прападзі ён п. са сваімі грашыма!
про́пісь, -і, мн. -і, -ей, ж.
Узоры правільнага і прыгожага пісьма.
Вучыцца пісаць па пропісях.
про́пуск, -а і -у, мн. -і, -аў, м.
1. гл. прапусціць.
2. -а. Дакумент на права ўваходу, уезду куды-н.
Паказаць п.
Уваход па пропусках.
3. -а. Тое, што і пароль (спец.).
4. -у. Няяўка на сходы, заняткі і пад.
Наведваць лекцыі без пропускаў.
5. -у. Не запоўненае, не занятае чым-н. месца (напр., у тэксце чаго-н.).
У канспекце многа пропускаў.
|| прым. прапускны́, -а́я, -о́е (да 1 знач.).
про́разь, -і, мн. -і, -ей, ж.
1. Скразная прарэзаная адтуліна; жалабок.
П. прыцэла.
2. Від скразной разьбы (спец.).
Мастацкая п.
про́рва, -ы, мн. -ы, -аў, ж.
1. Стромкі і глыбокі абрыў; бездань.
Сарвацца ў прорву.
На краі прорвы (таксама перан.: на краі гібелі).
2. перан. Прынцыповае разыходжанне ў чым-н.
Пасля гэтай спрэчкі паміж імі лягла п.
3. Вельмі вялікая колькасць каго-, чаго-н. (разм.).
Паспрабуй накарміць такую прорву.
П. грошай.
4. Пра каго-, што-н., што паглынае, пажырае многа чаго-н. (разм., неадабр.).
Якая п.: не ўкарміць яго!
про́са, -а, н.
Збожжавы злак з мяцёлкавым суквеццем, з ачышчанага зерня якога атрымліваюць крупы.
|| прым. прасяны́, -а́я, -о́е.
Прасяная каша.
про́свірка гл. прасвірка.