Verbum

прафіла́ктыка, -і, ДМ -тыцы, ж.

Сукупнасць папераджальных мерапрыемстваў (у медыцыне, тэхніцы і іншых галінах).

П. грыпу.

|| прым. прафілакты́чны, -ая, -ае.

П. агляд машын.

прафільтрава́ць гл. фільтраваць.

прафілява́ць, -лю́ю, -лю́еш, -лю́е; -лю́й; -лява́ны; зак. і незак., што (спец.).

1. Надаць (надаваць) чаму-н. правільны профіль (у 2 знач.).

П. дарогу.

2. Надаць (надаваць) профіль (у 3 знач.), адпавядаць профілю (у 3 знач.).

|| наз. прафілява́нне, -я, н. і прафілёўка, -і, ДМ -ўцы, ж. (да 1 знач.).

прафка́м, -а, мн. -ы, -аў, м.

Скарачэнне: прафсаюзны камітэт — выбарны орган пярвічнай прафарганізацыі.

|| прым. прафка́маўскі, -ая, -ае (разм.).

прафнепрыго́днасць, -і, ж.

Скарачэнне: прафесійная непрыгоднасць.

Вызваліць каго-н. ад працы з-за прафнепрыгоднасці.

прафо́рма, -ы, ж. (разм.).

Знешняя фармальнасць, выгляд.

Захаваць праформу.

Зрабіць што-н. для праформы.

прафсаю́з, -а, мн. -ы, -аў, м.

Скарачэнне: прафесійны саюз.

|| прым. прафсаю́зны, -ая, -ае.

прах, -у, м. (высок.).

Астанкі цела чалавека пасля смерці.

◊

Пайсці прахам (разм.) — загінуць, знішчыцца.

прахадзі́ць, -аджу́, -о́дзіш, -о́дзіць; зак.

Правесці які-н. час у хадзьбе.

Паўдня прахадзілі па лесе.

прахадна́я, -о́й, мн. -ы́я, -ы́х, ж.

Спецыяльнае службовае памяшканне, праз якое праходзяць на завод, будоўлю і пад.

Затрымацца каля прахадной.