Verbum

батысфе́ра

(ад баты- + сфера)

стальная камера сферычнай формы, якая спускаецца на тросе для даследавання расліннасці і жывёльнага свету на вялікай глыбіні.

батытэрмо́граф

(ад баты- + тэрмограф)

прыбор для вымярэння і запісу тэмпературы вады на розных глыбінях акіянаў і мораў у час руху судна.

батыфато́метр

(ад баты- + фатометр)

прыбор для вымярэння інтэнсіўнасці асвятлення ў вадзе на вялікіх глыбінях.

батыя́ль

(ад гр. bathys = глыбокі)

зона марскіх глыбіняў ад 200 да 2000 м.

батыя́льны

(ад батыяль)

які датычыць марскіх адкладаў, што залягаюць на глыбіні 200—2000 м;

б-ая зона — тое, што і батыяль.

ба́тэнсы

(англ. battens)

дошкі шырынёй 10—20 см і таўшчынёй 5—10 см.

батэрфля́й

(англ. butterfly)

спосаб спартыўнага плавання на грудзях, пры якім грабок робіцца адначасовым вынасам абедзвюх рук на паверхню вады.

бау́л

(іт. baule)

падарожны куфэрак круглаватай формы.

ба́ўэр

(ням. Bauer)

нямецкі селянін-землеўласнік.

ба́фтынг

(англ. buffeting)

трасенне самалёта пры аднясенні паветраных віхроў ад крыла на хваставое апярэнне.