Verbum

батфо́рты

(фр. bottes fortés)

кавалерыйскія боты з высокімі пашыранымі ўверсе халявамі.

баты-

(гр. bathys = глыбокі)

першая састаўная частка складаных слоў, якая выражае паняцце «глыбінны».

батыбіёнты

(ад баты- + біёнты)

марскія арганізмы, якія жывуць на глыбінях звыш 500 м.

батыгра́ма

(ад баты- + -грама)

крывая суадносін розных глыбінь вадаёма (возера, мора).

ба́тык

(малайск. batik)

шматколерная тканіна ў народаў Інданезіі.

батыме́трыя

(ад баты- + -метрыя)

раздзел гідраметрыі, які займаецца вымярэннем водных глыбінь.

батыпелагія́ль

(ад баты- + пелагіяль)

адна з зон Сусветнага акіяна, якая ахоплівае тоўшчу вады ад 200 да 1500 м, куды пранікае нязначная колькасць сонечных прамянёў.

батыпла́н

(ад баты- + -план)

несамаходны аднамесны апарат для вывучэння марскіх глыбінь, здольны манеўраваць у гарызантальным і вертыкальным напрамку.

батыска́ф

(ад баты- + -скаф)

самаходны апарат для глыбакаводных даследаванняў.

баты́ст

(фр. batiste)

тонкая паўпразрыстая тканіна з ільняной або баваўнянай пражы, звычайна падвергнутай мерсерызацыі.