Verbum

бактэрыцы́дны

(ад бактэрыцыды)

здольны забіваць бактэрыі і іншыя мікраарганізмы (напр. б-ая лямпа).

бактэрыцы́ды

(ад бактэрыі + -цыды)

рэчывы, здольныя знішчаць бактэрыі і іншыя мікраарганізмы.

бактэрыялагі́чны

(ад бактэрыялогія)

1) які мае адносіны да бактэрыялогіі;

2) звязаны з прымяненнем хваробатворных бактэрый як зброі.

бактэрыялізі́ны

(ад бактэрыі + гр. lysis = распад)

рэчывы біялагічнага паходжання (антыцелы), здольныя разбураць хваробатворныя бактэрыі ў арганізме.

бактэрыяло́гія

(ад бактэрыі + -логія)

раздзел мікрабіялогіі, які вывучае бактэрыі.

бактэрыя́льны

(ад бактэрыі)

1) які мае адносіны да бактэрый, выклікаецца бактэрыямі (напр. б-ая інфекцыя);

2) які вырабляецца з дапамогай бактэрый (напр. б-ыя ўгнаенні).

бактэрыямі́я

(ад бактэрыі + -емія)

наяўнасць бактэрый у крыві ў сувязі з некаторымі інфекцыйнымі захворваннямі.

бактэрыяскапі́я

(ад бактэрыі + -скапія)

метад даследавання бактэрый пры дапамозе мікраскопа.

бактэрыяста́з

(ад бактэрыі + -стаз)

поўная затрымка росту і размнажэння бактэрый пад уплывам неспрыяльных фізічных або хімічных фактараў.

бактэрыястаты́чны

(ад бактэрыі + статычны)

які затрымлівае рост і размнажэнне бактэрый (аб рэчывах, якія выклікаюць бактэрыястаз).