саракакілаграмо́вы, ‑ая, ‑ае.
Масай у сорак кілаграмаў. Яшчэ ў канцы 1943 года на станцыі Барысаў прагучаў выбух саракакілаграмовай міны. Дзенісевіч.
саракакіламетро́вы, ‑ая, ‑ае.
Даўжынёй у сорак кіламетраў. Саракакіламетровы прасцяг чыгункі ад Гарбылёў да Бацькавіч яны, партызаны, вывучылі як уласны двор. Навуменка.
саракалітро́вы, ‑ая, ‑ае.
Ёмістасцю ў сорак літраў. Пасярэдзіне палянкі ўбіты дзве дубовыя рагулі, на якіх ляжыць абсмаленая жардзіна. На ёй вісіць чорны саракалітровы кацёл. Нядзведскі.
саракаметро́вы, ‑ая, ‑ае.
Даўжынёй у сорак метраў. Саракаметровыя трубы.
саракаміну́тны, ‑ая, ‑ае.
Які працягваецца сорак мінут. Саракамінутная прагулка.
саракано́жка, ‑і, ДМ ‑жцы; Р мн. ‑жак; ж.
Разм. Жывёліна з чэрвепадобным целам і вялікай колькасцю членістых ножак; мнаганожка.
саракапудо́вы, ‑ая, ‑ае.
Які важыць сорак пудоў. Саракапудовы груз.
саракапу́т, ‑а, М ‑пуце, м.
Тое, што і саракуш.
саракапя́тка, ‑і, ДМ ‑тцы; Р мн. ‑так; ж.
Разм. Гармата з калібрам ствала ў сорак пяць міліметраў. Здрыганулася зямля, захадзіла хадуном у рацэ вада, як закіпеўшы: сталі біць саракапяткі. Пташнікаў.
саракапя́тчык, ‑а, м.
Разм. Артылерыст, які абслугоўвае саракапяціміліметровую гармату-саракапятку.