Verbum

салява́рны, ‑ая, ‑ае.

Які мае адносіны да солеварэння, саляварніцтва. Саляварная вытворчасць. Саляварны завод.

салява́рня, ‑і, ж.

Прадпрыемства, дзе выварваецца соль.

салявы́, ‑ая, ‑ое.

1. Які мае адносіны да солі (у 1, 4 знач.). Салявы раствор. Салявы абмен.

2. Тое, што і саляварны.

саляко́п, ‑а, м.

Рабочы, спецыяліст па солездабычы; солездабытчык.

саляло́мня, ‑і, ж.

Радовішча каменнай солі, месца, дзе яе здабываюць.

саляме́р, ‑а, м.

Прыбор для вызначэння колькасці солі, якая ўтрымліваецца ў вадзе ў раствораным выглядзе.

салямі́́, нескл., ж.

Сорт цвёрдай вэнджанай каўбасы.

[Ад лац. salame — каўбаса.]

салянакі́слы, ‑ая, ‑ае.

Які мае адносіны да солей салянай кіслаты. Салянакіслы аміяк.

саля́нка ​¹, ‑і, ДМ ‑нцы; Р мн. ‑нак; ж.

1. Разм. Невялікая пасудзіна для солі; сальніца. Рэстаран называецца... Дзяўчына глянула на Тараса і паслухмяна пачала збіраць са стала бакалы і салянкі. Шамякін. Першую лыжку зачэрпне [бацька] — пакаштуе. Калі недасаль, загадае Хвядосу: — Падай салянку. Калюга.

2. Аднагадовая травяністая расліна сямейства лебядовых, якая расце ў засушлівых і засоленых месцах.

саля́нка ​², ‑і, ДМ ‑нцы; Р мн. ‑нак; ж.

Густы суп з дробна нарэзанымі кавалкамі мяса або сасісак і вострымі прыправамі.

саля́нкавы, ‑ая, ‑ае.

Які мае адносіны да салянкі ​¹ (у 2 знач.). Салянкавая расліннасць.