спажыва́ць, -а́ю, -а́еш, -а́е; незак., што.
1. Выкарыстоўваць як ежу.
С. мяса.
2. Выкарыстоўваць, расходаваць для сябе.
|| зак. спажы́ць, -жыву́, -жыве́ш, -жыве́; -жывём, -жывяце́, -жыву́ць; -жы́ты.
|| наз. спажыва́нне, -я, н.
Тавары народнага спажывання.
спажыве́ц, -жыўца́, мн. -жыўцы́, -жыўцо́ў, м.
1. Асоба або арганізацыя, якія спажываюць прадукцыю чыёй-н. вытворчасці.
Тавары для масавага спажыўца (для масавага пакупніка).
2. перан. Той, хто імкнецца да задавальнення толькі сваіх патрэб (неадабр.).
|| прым. спажыве́цкі, -ая, -ае (да 1 знач.).
Спажывецкая кааперацыя.
спажыве́цкі, -ая, -ае.
1. гл. спажывец.
2. перан. Характэрны для чалавека, які стараецца задаволіць толькі ўласныя патрэбы (неадабр.).
Спажывецкія адносіны да жыцця.
спажы́так, -тку, м.
1. Тое, што служыць для харчавання, для ежы, а таксама рэчы, якімі карыстаюцца; маёмасць.
2. перан. Карысць, каштоўнасць.
С. ад кветак вялікі.
3. Карыстанне.
Аддаць людзям на с.
спажы́ўны, -ая, -ае.
1. Прызначаны для яды, спажывання.
Спажыўныя расліны.
2. Тое, што і пажыўны.
|| наз. спажы́ўнасць, -і, ж.
спа́зма, -ы, мн. -ы, -аў, ж.
Сутарга, сутаргавае скарачэнне мышцаў.
Спазмы ў горле.
|| прым. спазматы́чны, -ая, -ае і спасты́чны, -ая, -ае.
спазна́цца, -на́юся, -на́ешся, -на́ецца; зак. (разм.).
1. Пазнаёміцца, здружыцца; блізка сысціся.
Нашы дзеці спазналіся ў школе.
2. з чым. Сутыкнуцца з чым-н., зведаць што-н.
С. з цяжкім жыццём.
|| незак. спазнава́цца, -знаю́ся, -знае́шся, -знае́цца; -знаёмся, -знаяце́ся, -знаю́цца.
спазна́ць, -зна́ю, -зна́еш, -зна́е; -зна́ны; зак.
1. што. Засвоіць, асэнсаваць з’явы рэчаіснасці, атрымаць уяўленне.
С. законы развіцця грамадства.
С. ісціну.
2. Набыць веды ў чым-н., пазнаць што-н.
С, як сканструяваны агрэгат.
3. і з дадан. Зазнаць, зведаць што-н. на ўласным вопыце, перажыць што-н.
С. нягоды і пакуты.
С, што такое вайна.
|| незак. спазнава́ць, -знаю́, -знае́ш, -знае́; -знаём, -знаяце́, -знаю́ць.
|| наз. спазнава́нне, -я, н.
спазне́нне, -я, мн. -і, -яў, н.
Прыход, наступленне чаго-н. пазней устаноўленага часу.
Прыйсці на работу са спазненнем.
Цягнік прыйшоў са спазненнем.