Verbum

кін

(яп. kin)

мера вагі ў Японіі, роўная 600 г.

кіна-

(гр. kineo = рухаю)

першая састаўная частка складаных слоў, якая выражае паняцці «кіно», «кінематаграфія».

кінаакцёр

(ад кіна- + акцёр)

акцёр, які знімаецца ў кінафільмах.

кінаальмана́х

(ад кіна- + альманах)

кінафільм, які складаецца з некалькіх самастойных фільмаў, аб’яднаных агульнай тэмай, адным жанрам і інш.

кінаапера́тар

(ад кіна- + аператар)

спецыяліст, які знімае кінафільм.

кінаарты́ст

(ад кіна- + артыст)

тое, што і кінаакцёр.

кінаархі́ў

(ад кіна- + архіў)

установа, у якой захоўваюцца кінафільмы і кінаматэрыялы.

кінаатэлье́

(ад кіна- + атэлье)

спецыяльна абсталяванае памяшканне для здымкі кінафільмаў.

кінааўтама́т

(ад кіна- + аўтамат)

электронна-вылічальная ўстаноўка, якая дазваляе паказваць адзін з фільмаў па выбару большасці гледачоў.

кінава́р

(гр. kinnabari)

мінерал чырвонага колеру класа сульфідаў, а таксама фарба з яго.