Verbum

электралюмінесцэ́нцыя

(ад электра- + люмінесцэнцыя)

люмінесцэнцыя, якая ўзнікае пад уздзеяннем электрычнага поля.

электрамабі́ль

(ад электра + лац. mobilis = рухомы)

аўтамабіль, які прыводзіцца ў рух электрычнай энергіяй.

электрамагістра́ль

(ад электра- + магістраль)

магістраль для перадачы электрычнага току.

электрамагнеты́зм

(ад электра- + магнетызм)

сукупнасць магнітных з’яў, якія ўзнікаюць ад дзеяння электрычнага току.

электрамагні́т

(ад электра + магніт)

прыстасаванне з жалезнага стрыжня, абматанага ізаляваным дротам, па якім праходзіць электрычны ток і намагнічвае гэты стрыжань.

электрамано́метр

(ад электра- + манометр)

манометр, у якім рабочыя органы змяняюць свае электрычныя параметры прапарцыянальна прыкладзенаму да іх ціску.

электрамато́р

(ад электра- + матор)

рухавік, які ператварае электрычную энергію ў механічную.

электрамегафо́н

(ад электра- + мегафон)

электраакустычны мегафон.

электраметалу́ргія

(ад электра- + металургія)

галіна металургіі, якая займаецца здабываннем металаў і розных сплаваў пры дапамозе электраэнергіі.

электраме́трыя

(ад электра- + -метрыя)

сукупнасць прыёмаў і метадаў электрычных вымярэнняў.