Verbum

прэзе́нт

(фр. présent, ад лац. praesentare = дарыць)

падарунак, гасцінец.

прэзента́бельны

(фр. presentable)

відны, паважны, самавіты (напр. п. выгляд).

прэзентава́ць

(польск. prezentować, ад лац. praesentare)

зрабіць падарунак, падарыць.

прэзента́нт

(ад лац. praesentare = перадаваць, уручаць)

той, хто прад’яўляе грашовы дакумент (вэксаль і інш.).

прэзента́цыя

(лац. praesentatio)

падача, прадстаўленне для аплаты грашовага дакумента.

прэзенты́зм

(лац. praesens, -ntis = цяперашні час)

кірунак у метадалогіі гісторыі, які разглядае гістарычную навуку не як адлюстраванне рэальнага працэсу развіцця грамадства, а як выражэнне ідэалагічных адносін сучаснасці.

прэзерваты́ў

(лац. praeservativus = які ахоўвае)

прыстасаванне, якое прымяняецца для засцеражэння ад цяжарнасці і венерычных хвароб.

прэзерва́цыя

(лац. praeservatio)

засцеражэнне ад чаго-н.

прэзе́рвы

(лац. praeservo = ахоўваю, засцерагаю)

1) расфасаваныя і герметызаваныя харчовыя прадукты, якія, у адрозненне ад кансерваў, не падвергнуты пастэрызацыі або стэрылізацыі, а захоўваюцца дзякуючы прымяненню кансервуючых рэчываў;

2) святлоахоўныя акуляры.

прэзі́дыум

(лац. praesidium = абарона; старшынства)

1) выбарны орган, які кіруе сходам, нарадай, канферэнцыяй, а таксама асобы, якія ўваходзяць у такі орган;

2) кіруючы орган некаторых арганізацый і ўстаноў, а таксама асобы, якія ўваходзяць у такі орган.