Verbum

бібліяфі́л

(ад гр. biblion = кніга + -філ)

аматар, знаўца, збіральнік рэдкіх выданняў кніг.

бібліяфі́льства

(ад бібліяфіл)

збіранне і вывучэнне рэдкіх і каштоўных выданняў.

бібо́п

(англ. bebop)

стыль т.зв. сучаснага джаза, які склаўся на пач. 1940-х гадоў у ЗША.

бібу́ла

(польск. bibuła, ад лац. bibulus = які прагна п’е)

1) порыстая папера, здольная ўбіраць і прапускаць вадкасць; прамакатка;

2) тонкая белая або каляровая папера, прызначаная для ўпрыгожвання або ўпакоўкі.

біва́к

(ням. Biwack)

стаянка войска па-за населеным пунктам; войска на прывале;

2) стаянка альпіністаў, турыстаў.

бівале́нты

(ад бі- + лац. valens, -ntis = моцны)

пары з’яднаных паміж сабой гамалагічных храмасом, якія ўтвараюцца пры дзяленні клетачнага ядра.

біг

(ням. Biege = выгін)

рубчык на кардоне або абгортачнай паперы, дзякуючы якому вокладка лягчэй раскрываецца, а папера згінаецца.

біга́мія

(ад бі- + -гамія)

дваяшлюбнасць, дваяжэнства.

бігара́дыя

(фр. bigarade = горкі апельсін)

тое, што і памяранец.

бі́гас

(польск. bigos, ад ням. Beiguss)

страва з кіслай і свежай капусты, тушанай з рознымі гатункамі мяса і прыправамі.