Verbum

кінатрыло́гія

(ад кіна- + трылогія)

тры кампазіцыйна самастойныя кінафільмы, звязаныя агульнасцю сюжэту.

кінатэадалі́т

(ад кіна- + тэадаліт)

прыбор для кіназдымкі лятальнага апарата, каб дакладна вызначыць траекторыю палёту.

кінатэа́тр

(ад кіна- + тэатр)

памяшканне для публічнай дэманстрацыі кінафільмаў.

кінатэ́ка

(ад кіна- + -тэка)

збор, архіў кінафільмаў і іншых кінаматэрыялаў.

кінатэ́хніка

(ад кіна- + тэхніка)

галіна тэхнікі, звязаная з вытворчасцю і дэманстрацыяй кінафільмаў.

кінафа́брыка

(ад кіна- + фабрыка)

прадпрыемства, якое займаецца вытворчасцю кінафільмаў.

кінафестыва́ль

(ад кіна- + фестываль)

агляд твораў кінамастацтва, прысвечаных агульнай тэме або пэўнай падзеі.

кінафіка́цыя

(ад кіна- + -фікацыя)

разгортванне сеткі кінатэатраў для абслугоўвання насельніцтва пэўнай тэрыторыі.

кінафі́льм

(ад кіна- + фільм)

твор кінамастацтва, кінакарціна.

кінахро́ніка

(ад кіна- + хроніка)

кінафільм або кіначасопіс пра падзеі бягучага грамадскага жыцця.