Verbum

пераржавець, ✂; зак.

Ад іржы распасціся на часткі, пераламацца.

• Дрот у многіх месцах пераржавеў.

перарослы, ✂.

1. Які вырас вышэй за іншых, вышэй за якую-н. норму.

2. Старэйшы па гадах, чым устаноўлены для чаго-н. узрост.

   • П. вучань.

|| наз. пераросласць, ✂.

пераростак, ✂, м.

Падлетак, старэйшы па ўзросту, чым патрэбна для чаго-н.

• Для харэаграфіі ён ужо п.

перарывісты, ✂.

1. Які перапыняецца цераз кароткія прамежкі часу; няроўны.

   • Перарывістае дыханне.
   • П. голас.

2. З прамежкамі, не суцэльны.

   • Перарывістая лінія.

|| наз. перарывістасць, ✂.

перарысаваць, ✂; зак.

Рысуючы (часцей алоўкам), зрабіць копію чаго-н.; нарысаваць нанава.

• П. узор.

|| незак. перарысоўваць, ✂.

|| наз. перарысоўка, ✂ і перарысоўванне, ✂.

перарыў, ✂, м.

1. Разрыў чаго-н. на часткі, а таксама месца разрыву.

   • П. проваду.

2. Тое, што і перапынак.

   • Гаварыць з перарывамі.
   • П. у стажы.

перарыць, ✂; зак.

1. Разрыць, парыць лычом усё, многае.

   • Свінні перарылі ўвесь агарод.

2. перан. У пошуках чаго-н. раскідаць, перакапаць усё.

   • П. усе рэчы ў каморцы.

|| незак. перарываць, ✂.

перарэгістраваць, ✂; зак.

Зарэгістраваць нанава.

|| звар. перарэгістравацца, ✂.

|| наз. перарэгістрацыя, ✂.

перарэзаць, ✂; зак.

1. Разрэзаўшы, раздзяліць надвое.

   • П. вяроўку.

2. Зарэзаць усіх, многіх.

   • П. усіх гусей.

3. перан. Перагарадзіць (шлях; дарогу).

   • П. шлях праціўніку.

|| незак. пераразаць, ✂ і перарэзваць, ✂.

перасадзіць, ✂; зак.

1. Прымусіць перасесці, пасадзіць на другое месца, прапанаваць абмяняцца месцамі.

   • П. вучня на першую парту.
   • П. пасажыраў з аднаго аўтобуса ў другі.

2. Выкапаўшы (расліну), пасадзіць у другім месцы.

   • П. кветкі.

3. Зрэзаўшы, або выразаўшы (частку косці, тканкі, орган), перанесці для прыжыўлення на другім месцы або ў другім арганізме.

   • П. нырку.

4. Насадзіць, надзець на што-н. другое.

   • П. сякеру на другое тапарышча.

5. Памагчы каму-н. пералезці цераз што-н.

   • П. дзіця цераз парог.

6. Пасадзіць усё, многае або ўсіх, многіх.

   • За свой век ён многа дрэў перасадзіў.
   • Акупанты перасадзілі ў турмы нямала людзей.

|| незак. перасаджваць, ✂.

|| наз. перасаджванне, ✂ і перасадка, ✂.

• Зрабіць перасадку пасажыраў на другі самалёт.
• Перасадка дрэў.
• Перасадка скуры.

|| прым. перасадачны, ✂.

• П. матэрыял.