Verbum

балансі́р, ✂, м.

1. Доўгі шост, пры дапамозе якога акрабат захоўвае раўнавагу на канаце.

2. Рычаг у машыне, які перадае рух ад адной часткі да другой.

3. Рэгулятар у гадзіннікавым механізме.

бала́ст, ✂, м.

1. Спецыяльны груз, які забяспечвае ўстойлівасць і асадку карабля, а таксама груз для рэгулявання вышыні палёту аэрастата.

2. перан. Што-н. лішняе, непатрэбнае, што не прыносіць ніякай карысці (кніжн.).

3. Шчэбень або пясок, якім засыпаюць чыгуначнае палатно і на які ўкладваюць шпалы (спец.).

   • Сухі б.
   • Платформы з баластам.

|| прым. баластны, ✂.

балаўні́к, ✂, м. (разм.).

Свавольнік, дураслівец.

|| ж. балаўніца, ✂.

балаўны́, ✂ (разм.).

1. Свавольны, дураслівы.

2. Распешчаны, сапсаваны залішнім патураннем.

балахо́н, ✂, м.

Халат шырокага крою, які раней насілі сяляне, а таксама (разм.) наогул шырокая бясформенная вопратка.

• Ішоў незнаёмы ў доўгім балахоне.

|| прым. балахонны, ✂.

балаці́на, ✂ і балацяві́на, ✂, ж.

Нізкае, балоцістае месца.

балаці́равацца, ✂; незак.

Праходзіць абранне, рашаць якое-н. пытанне шляхам падачы бюлетэняў.

• Б. ў дэпутаты.

балаці́раваць, ✂; незак.

Выбіраць каго-н. галасаваннем шляхам падачы бюлетэняў або ставіць што-н. на галасаванне.

• Б. прапанову.

|| наз. балаціраванне, ✂.

|| прым. балаціровачны, ✂.

• Б. бюлетэнь.

балбата́ць, ✂; незак.

1. Гаварыць несупынна, невыразна, а таксама займацца пустымі размовамі (разм.).

   • Б. лягчэй, чым рабіць.

2. Булькаць — пра ваду, што бяжыць або кіпіць.

|| аднакр. балбатнуць, ✂.

балбатлі́вы, ✂.

Празмерна гаваркі, а таксама які не ўмее захоўваць тайну.

• Б. паляўнічы.

|| наз. балбатлівасць, ✂.

• Балбатлівасць — старасці сястра (прыказка).