Verbum

бягля́к, ✂, м. (разм.).

Той, хто ўцякае, уцякач.

|| ж. бяглячка, ✂.

бяго́м, прысл.

Хутка пераступаючы нагамі, у тэмпе бегу; не шагам.

• Прыпусціцца б.

◊

• Бягом бегчы — вельмі хутка рухацца.

бяго́нія, ✂, ж.

Дэкаратыўная трапічная і субтрапічная расліна з прыгожым пярэстым лісцем і дробнымі кветкамі.

|| прым. бягоніевы, ✂.

• Сямейства бягоніевых (наз.).

бягу́н, ✂, м.

Той, хто хутка бегае; спартсмен, які займаецца бегам (у 1 знач.).

• Б. на кароткія дыстанцыі.

|| ж. бягуння, ✂.

бягу́чы, ✂.

1. Які знаходзіцца ў руху.

   • Бягучая вада.
   • Шукай бягучага ваўка след.

2. Які зараз адбываецца, цяперашні, штодзённы.

   • Бягучыя справы.
   • Б. момант.

○

• Бягучы рахунак — рахунак укладчыка ў ашчадным банку.

|| наз. бягучасць, ✂.

бяда́, ✂, ж.

1. Няшчасце, гора.

   • Дапамагчы ў бядзе.
   • Беды цярпець — каменнае сэрца мець (прыказка).
   • Б. па бядзе, як па нітцы ідзе (прыказка).

2. Нястача, галеча.

   • У хаце — б.

3. у знач. вык. Дрэнна; непрыемнасць.

   • Б. мне з ім.

◊

• Бяда вялікая (разм.) — не мае значэння, няважна.

• Бядой латаны (разм.) — вельмі бедны.

• Далей ад бяды (разм.) — пра нежаданне ўвязвацца ў непрыемную гісторыю.

• Такой бяды; толькі (той) бяды (разм.) — не мае значэння; ну дык што ж!

бяда́к, ✂, м. (разм.).

Бяздольны, няшчасны, гаротны.

|| ж. бядачка, ✂.

|| прым. бядацкі, ✂.

• Год цяжкі, бядацкі.

бядне́ць, ✂; незак.

1. Траціць сваё багацце, станавіцца бяднейшым.

2. Траціць што-н.

   • Рака бяднее на рыбу.
   • Фантазія бяднее (перан.).

|| зак. абяднець, ✂ і збяднець, ✂.

бядно́та, ✂, ж. (разм.).

1. Беднасць, галеча, убогасць.

2. зб. Бедныя людзі, жабракі.

бядня́к, ✂, м.

1. Незаможны, бедны чалавек.

2. Бедны селянін, якога ў мінулым эксплуатавалі багачы.

|| ж. бяднячка, ✂.

|| прым. бядняцкі, ✂.