Verbum

педыятр, ✂, м.

Урач, спецыяліст па педыятрыі.

педыятрыя, ✂, ж.

Раздзел медыцыны, які вывучае анатомію і фізіялогію дзіцячага арганізма, дзіцячыя хваробы, іх лячэнне і прафілактыку.

|| прым. педыятрычны, ✂.

педэраст, ✂, м.

Чалавек, які займаецца педэрастыяй.

педэрастыя, ✂, ж. (спец.).

Палавая ненармальнасць: палавыя адносіны мужчыны з мужчынам.

|| прым. педэрастычны, ✂.

пейзаж, ✂, м.

1. Агульны выгляд якой-н. мясцовасці, краявід.

   • Беларускія пейзажы.
   • Нарачанскі п.

2. Малюнак краявіду, а таксама апісанне прыроды ў мастацкім творы.

   • Выстаўка пейзажаў вядомага мастака.
   • Палескія пейзажы ў творах Якуба Коласа.

|| прым. пейзажны, ✂.

• П. жывапіс.

пейзажыст, ✂, м.

Мастак, які малюе пейзажы.

|| ж. пейзажыстка, ✂.

пекар, ✂, м.

Спецыяліст, які займаецца выпечкай хлеба.

|| прым. пякарскі, ✂.

пекарыха, ✂, ж.

Жонка пекара.

пекла, ✂, н.

1. Паводле рэлігійна-містычных уяўленняў — месца, дзе церпяць вечныя пакуты душы памёршых грэшнікаў.

   • У чорта ў пекле.
   • Лезці раней за бацьку ў пекла (прымаўка: паспешліва і недарэчна ўмешвацца ў чые-н. справы, апярэджваючы каго-, што-н.; разм. іран.)

2. Моцная гарачыня, спёка (разм.).

   • Не сядзі на самым пекле.
   • Трапіць у самае п. (перан. у гарачае месца бою, у разгар злосных спрэчак і пад.).

3. перан. Пра нясцерпныя ўмовы жыцця, іншыя ўмовы, стан.

   • П. вайны.
   • Душэўнае п.

|| прым. пякельны, ✂.

пеленг, ✂, м. (спец.).

Вугал паміж стрэлкай компаса і напрамкам, па якім відаць дадзены прадмет або чуваць дадзены гук.