Verbum

кіназна́ўства, -а, н.

Навука, якая даследуе кіно як мастацтва, сродак асветы і інфармацыі.

|| прым. кіназна́ўчы, -ая, -ае.

К. факультэт.

кінакарці́на, -ы, мн. -ы, -ці́н, ж. (разм.).

Мастацкі фільм.

кінало́гія, -і, ж.

Навука, якая вывучае сабак, іх развядзенне і догляд за імі.

|| прым. кіналагі́чны, -ая, -ае.

кінамеха́нік, -а, мн. -і, -аў, м.

Спецыяліст па дэманстрацыі кінафільмаў.

кінаперасо́ўка, -і, ДМ -со́ўцы, мн. -і, -со́вак, ж. (уст.).

Перасовачная ўстаноўка для дэманстрацыі кінафільмаў.

кінаплёнка, -і, ДМ -нцы, мн. -і, -нак, ж.

Плёнка для кіназдымкаў.

кінапрака́т, -у, М -ка́це, м.

Дэманстраванне кінафільмаў на экранах кінатэатраў, клубаў.

|| прым. кінапрака́тны, -ая, -ае.

кінары́нак, -нку, мн. -нкі, -нкаў, м.

Купля і продаж фільмаў рознымі краінамі.

кінасту́жка, -і, ДМ -жцы, мн. -і, -жак, ж.

Кінематаграфічная стужка.

кінатэа́тр, -а, мн. -ы, -аў, м.

Тэатр для дэманстрацыі кінафільмаў.