Verbum

штого́днік, -а, мн. -і, -аў, м.

Выданне, якое выходзіць раз у год.

Універсітэцкі ш.

штодзе́нь, прысл.

Кожны дзень; з дня ў дзень.

Ш. ідзе дождж.

штодзённы, -ая, -ае.

1. Які бывае кожны дзень.

Штодзённая гімнастыка.

Займацца штодзённа (прысл.).

2. Звычайны, будзённы.

Штодзённая вопратка.

|| наз. штодзённасць, -і, ж.

штодня́, прысл.

1. Тое, што і штодзень.

Галіцца ш.

2. 3 кожным днём, з дня на дзень.

Халаднее ш.

штоле́та, прысл.

Кожнае лета, кожным летам.

Ш. адпачываць на поўдні.

што́льня, -і, мн. -і, -яў, ж.

Гарызантальная або нахіленая горная выпрацоўка, якая мае непасрэдны выхад на зямную паверхню.

|| прым. што́льневы, -ая, -ае.

штоме́сяц, прысл.

Кожны месяц.

Праводзіць палявыя доследы ш.

штоме́сячнік, -а, мн. -і, -аў, м.

Выданне, якое выходзіць раз у месяц.

штоме́сячны, -ая, -ае.

Які бывае кожны месяц, раз у месяц.

Ш. часопіс.

Штомесячна (прысл.) плаціць узносы.

што́нікі, -аў (разм.).

Кароткія або невялікія штаны.

Дзіцячыя ш.