Verbum

ша́шкі, -шак.

Гульня белымі і чорнымі кружкамі (шашкамі ў 4 знач.) на дошцы ў 64 (рускія шашкі) або ў 100 клетак (міжнародныя шашкі), якая заключаецца ў тым, што кожны з двух партнёраў імкнецца знішчыць шашкі саперніка або пазбавіць яго магчымасці рабіць хады.

Гуляць у ш.

|| прым. ша́шачны, -ая, -ае.

Ш. столік.

шашлы́к, -у́, мн. -і́, -о́ў, м.

Страва з кавалачкаў мяса (бараніны, ялавічыны, свініны і інш.), нанізаных на металічны стрыжань (шампур) і засмажаных над вуглямі.

|| прым. шашлы́чны, -ая, -ае.

шашлы́чная, -ай, мн. -ыя, -ых, ж.

Сталовая, дзе гатуюць шашлыкі.

ша́шні, -яў (разм., неадабр.).

1. Інтрыгі, падкопы.

Патаемныя ш. з бандытамі.

2. Любоўныя інтрыгі, сувязі.

Завязала ш. з калегам па рабоце.

шашо́к, -шка́, мн. -шкі́, -шко́ў, м.

Тое, што і тхор.

|| прым. шашко́вы, -ая, -ае.

шашы́ст, -а, М -сце, мн. -ы, -аў, м.

Ігрок у шашкі.

|| ж. шашы́стка, -і, ДМ -тцы, мн. -і, -так.

|| прым. шашы́сцкі, -ая, -ае.

шашэ́йны гл. шаша.

шва́бра, -ы, мн. -ы, -аў, ж.

Мятла з мачалы, вяровак і пад., уробленых у калодку.

|| прым. шва́бравы, -ая, -ае.

шва́гер, -гра, мн. -гры, -граў, м.

Брат жонкі або муж сястры ці швагеркі.

шваге́рка, -і, ДМ -рцы, мн. -і, -рак, ж.

Жончына сястра.