Verbum

мамагра́фія

(ад лац. mamma = жаночыя грудзі + -графія)

рэнтгеналагічнае даследаванне малочных залоз.

мамаліяло́гія

(ад лац. mammalia = млекакормячыя + -логія)

раздзел заалогіі, які вывучае млекакормячых.

мамало́гія

(ад лац. mamma = жаночыя грудзі + -логія)

тое, што і мамаліялогія.

мамалы́га

(рум. mamaliga)

каша з кукурузнай мукі.

ма́мант

(рус. мамонт, ад тунгуск. namendi)

вымерлая млекакормячая жывёла сям. сланоў з доўгай поўсцю і вялікімі біўнямі; жыла ў час ледніковага перыяду.

ма́мба​¹

(афр. mamba)

ядавітая змяя сям. аспідаў, якая пашырана ў Афрыцы.

ма́мба​²

(ісп. mambo)

хуткі парны танец лацінаамерыканскага паходжання; роднасны румбе 1.

мамелю́к

(ар. mamluk = нявольнік)

1) воін-раб цюркскага або каўказскага паходжання, з якіх складалася султанская гвардыя ў Егіпце ў 13 ст.;

2) прадстаўнік ваенна-феадальнай касты ў Егіпце ў 13—16 ст.

мамента́льны

(адмомант)

вельмі хуткі, імгненны.

маміля́рыя

(н.-лац. mammillaria)

травяністая або кустовая расліна сям. кактусавых з калючкамі і дробнымі кветкамі, пашыраная ў засушлівых абласцях Цэнтр. і Паўд. Амерыкі; на Беларусі вырошчваецца як дэкаратыўная.