Verbum

меа́ндр

(лац. maeander, ад гр. Maiandros = назва звілістай ракі ў Малой Азіі)

1) звіліна, лука ў цячэнні ракі, характэрная для раўнінных рэк;

2) геаметрычны арнамент у выглядзе выгнутых ліній.

мега-

(гр. megas = вялікі)

першая састаўная частка складаных слоў, якая выражае паняцці «буйны, вялікі», «гіганцкі».

мегава́т

(ад мега- + ват)

адзінка магутнасці электрычнага току, роўная мільёну ват.

мегаге́рц

(ад мега- + герц)

адзінка частаты ваганняў, роўная мільёну герц.

мегакало́рыя

(ад мега- + калорыя)

адзінка колькасці цяпла, роўная мільёну калорый.

мегакарыяцы́ты

(ад мега + гр. karyon = ядро + -цыты)

буйныя клеткі касцявога мозгу, якія ўтвараюць трамбацыты.

мегако́лан

(ад мега- + гр. kolon = тоўстая кішка)

паталагічнае павелічэнне таўшчыні кішкі з наступным развіццём ачаговага запалення і атрафіі слізістай абалонкі.

мегала-

(гр. megas, -alu = вялікі)

першая састаўная частка складаных слоў, якая выражае паняцце «гіганцкі».

мегалабла́сты

(ад мегала- + бласты)

чырвоныя крывяныя клеткі зародкаў вышэйшых пазваночных на ранніх стадыях развіцця, буйныя, здольныя да дзялення.

мегалаза́ўр

(ад мегала- + -заўр)

буйны драпежны дыназаўр з групы карназаўраў, які жыў у мезазоі.